香港新浪網 MySinaBlog
« 上一篇 | 下一篇 »
別緻BEE | 18/09/08, 16:40 PM | 博事論文 | (615 Reads)

前兩天收到電訊XX的月結單,一看立即大動肝火!emotion

 

事緣我們家的網絡服務是由這家老字號堪稱本地電訊一哥提供,我們也算得上是老顧客。

一個月多前,有市場部人員來電,說:「為感謝您是我們尊貴客戶,我們特別為您送上一個月免費試用 音樂頻道。 」

我答:「我不需要這項服務。」

「那是免費的啊!」

「我—不—需—要!」

「小姐,您是不必做什麼的,我們對每一位尊貴的客戶送出來,您不用付錢的。」

「那一個月後又如何呀?」

「那試用期過後,我們會自動在妳戶口扣除月費……」

「那即是要錢啦,我已經說了我—不—需—要,不要送我!」

「我們是市場部的,只負責通知客人有這個免費優惠而已。」

「哪我不可以拒絕不要嗎?」

「……我要先問一下上級,請稍等!」好!我等,兩分鐘後:「很抱歉,我們市場部不能替小姐您進行取消優惠,請您在一個月試用期後打給我們客戶部去取消。」

那時,我已經好生氣!閣下無緣無故打來說送東西給我,我不可拒絕不要,還得花功夫記著一個期限中,要完成撥電話去取消閣下所謂的「禮物」,真豈有此理!

跟這個市場部再說也枉耗氣,還是算了吧,我記下手帳,在限期前撥了幾通電話,在那真人發聲電子分流系統中溜來溜去都找不到一處可以跟一個「真正真人」來向我發聲;一氣下放棄。 上那服務供應商網站找客戶服務,寄出一封「多謝了,別再來煩我,我不要優惠」的請求;隨即我收到系統回應。

結果呢?如開文所說,今個月我收到了帳單,上面起始收我那個音樂頻道的月費;是不是豈豈豈有此理?!

今次我撥電話去試了好幾個不同服務層的按鈕,誓要找到個真人跟我對話;在等候音樂幾分鐘後,我一開口時就已經怒火中燒,述說以上整個事件,並質問為何我不可拒絕優惠?

接聽的女生原先還回答:「我們是可以給客人選揀要還是不要的。」啊!是嗎?哪是我白癡,人家問了我要不要,我還自行要考自己記憶力,完全不打算也結果從來沒用,不過好喜歡找一日好整以暇坐在電話機前,花時間聽去你鬼的真人發聲系統和去你鬼音樂十幾分鐘,只為說要來說,啊!我想取消。 對不對?!

接聽的女生後來又去問經理,然後今次答:「我們不同部門,市場部不能辦理取消服務的事情。」

「那你這個是錄音不是?拜托將這段錄音上呈你們高層,並請說這是來自一個非常不滿貴公司經營態度的一位長期客戶!」

不要再告訴我什麼部門做什麼事,我只知道你要送我東西,我有權立即拒絕! 別再無緣無故給我工作——小姐,請記緊下個月前打電話去說你不需要這份禮!神經病!

Related Posts with Thumbnails

[9]

BEE唔好勞氣.下次聽到廣告電話立即收線啦,咩市場部唔可以取消,唔駛理佢, 你都冇接受過, 梗係唔駛取消啦


[引用] | 作者 R | 20/09/08 09:17 AM | [舉報垃圾留言]

[8]

可能香港電訊業真係好難做, 非要靠扼才能生存. 不愉快的例子大家都說得出一大籮. 我剛剛因為睇左呢個POST, 走去CHECK下個BILL, 發覺原來NET乜乜TOR收緊我一個叫做PC GUARD既CHARGE, 奇怪, 我幾時要求過呢個SERVICE? 佢GUARD緊我D咩? GUARD住我按時俾錢??? 打電話去取消, 半夜三更容易D, 搞完手續, 不過唔知係唔係真係取消到, 因為我試過呢間公司其他服務, 用佢網頁系統登記取消, 幾個月後發覺繼續收緊我錢, 打電話去CENTER問, 佢話收唔到ORDER, 可能SYSTEM有問題, OK, 用人手做, 點知幾個月後發覺都係繼續收緊錢, 再打去問, 原來有收到ORDER, 但係無KEY入SYSTEM, 未取消扣款, SORRY! 之後幫你扣返, 我都唔記得再CHECK了.


[引用] | 作者 TT | 20/09/08 05:21 AM | [舉報垃圾留言]

[7] Re: 小靜
小靜 : 我試過被迫接受他們的免費試用,然後我在開始收費前打去取消(當然啦,其實我根本用都無用過),之後佢收我錢,打去熱線佢話我唔駛交錢,我話我無得唔交,因為做了自動轉賬,咁佢話下個月退俾我。結果又無退,又打去,又無退,又打去,如是者前後都唔記得打了幾次電話,為了幾十蚊,幾個月都退唔到俾我,這就是香港的服務業。
太好啦,有你這個留言,証明唔係得我一個咁鬼動氣,我之咁鬼嬲就係之前已經發生過同你一樣的情況,我甚至記下order no都無用,總之錢照過數,你要取消,好呀,打通找到人先講啦,不過可能下個月再重覆做多次囉。 (……小姐,請問仲有無其他查詢?仲有無其他野幫到你?——最叻呢幾句!)

別緻BEE
[引用] | 作者 別緻BEE | 19/09/08 21:41 PM | [舉報垃圾留言]

[6]

我試過被迫接受他們的免費試用,然後我在開始收費前打去取消(當然啦,其實我根本用都無用過),之後佢收我錢,打去熱線佢話我唔駛交錢,我話我無得唔交,因為做了自動轉賬,咁佢話下個月退俾我。結果又無退,又打去,又無退,又打去,如是者前後都唔記得打了幾次電話,為了幾十蚊,幾個月都退唔到俾我,這就是香港的服務業。

小靜
[引用] | 作者 小靜 | 19/09/08 21:34 PM | [舉報垃圾留言]

[5] Re: agnes
agnes :
好過份!
係好似大勢所趨,下!你唔要,無理由架喎,咁荀都唔要?!
尋晚又一單,大塊接XX電訊打來話續約2年,送XX超市$300現金券,好抵,你諗下,你每個月$68 x 24 - $300 / 24 = $55個月,係咪超抵呢。
喂!根本人地係實收都平過呢個數,電訊在過去幾年間,年年跌新低價,個個打去話隔離個間平D要轉會,你又減;我點知我係咪做左羊枯架。點抵呀,$300 應該係禮物,我又唔係收到$300現金回贈,我家附近都唔係呢間超市!條數爛係好荀,講野一輪嘴,博你聽落好抵呀,就糊里糊塗要左囉。

別緻BEE
[引用] | 作者 別緻BEE | 19/09/08 15:37 PM | [舉報垃圾留言]

[4] Re: Him
Him :
如果要送,基本上o係個system自動加一個月俾你,唔續就自動cut,根本就唔需要上門咁「尊貴」。擺明將個責任推俾個客度,冇誠意而且冇禮貌。我已經聽sales電話要中斷cut線,睇黎如果有上門,我應該即將大力關門...
有時都好想聽下咩優;惠,但個情況越來越搵笨,要時時刻刻提醒自己唔好中招!煩死!索性唔鬼聽佢地D花言巧語都啱架

別緻BEE
[引用] | 作者 別緻BEE | 19/09/08 15:31 PM | [舉報垃圾留言]

[3] Re: 艾力
艾力 : 應該去消費者委員會投訴,有咩理由迫人接受服務﹖打去仲唔俾人唔要﹖依d粉腸公司博客戶忘了取消然後屈人交多個月月費。可以用「賤格」來形容。
已經越來越普遍地使用呢招,上次我在新XX電訊幫個女搞佢個電話時,佢又話先送3個月免費試用SMS/MMS服務,之後先收錢,我地話唔要,佢話家陣唔cancel得,要等到試用期完先得,但要自行去取消,我已經好火又鬧,唔該你寫明我唔要,由day 1就唔要,我唔得閒按時按候去取消!

別緻BEE
[引用] | 作者 別緻BEE | 19/09/08 15:30 PM | [舉報垃圾留言]

[2]

好過份!

agnes
[引用] | 作者 agnes | 19/09/08 12:11 PM | [舉報垃圾留言]

[1]

應該去消費者委員會投訴,有咩理由迫人接受服務﹖打去仲唔俾人唔要﹖依d粉腸公司博客戶忘了取消然後屈人交多個月月費。可以用「賤格」來形容。


[引用] | 作者 艾力 | 18/09/08 21:24 PM | [舉報垃圾留言]